«Քաղաքացիական պարտքն ամուսնականից ավելի կարևոր էր. Հարսը հարսանեկան զգեստով որոշել էր սկզբում քվեարկել Ռուսաստանի նախագահի ընտրություններին». Այսպիսի վերնագրով ու տեքստով լուր է հրապարակել Սպուտնիկ Արմենիա ռուսական գործակալությունը:
«Կարևոր օր է ինձ համար, Ռուսաստանի ճակատագիրն է որոշվում այսօր», Sputnik Արմենիային ասել է հարսը՝ Արուսյակ Օլքինյանը։Նկարներն արված են Երեւանում Ռուսաստանի դեսպանատանը, որտեղ գործում է ՌԴ նախագահի ընտրության ընտրատեղամաս: Ըստ ՌԴ դեսպանատան աշխատակիցների՝ ակտիվությունն աննախադեպ է, դեսպանատան դիմաց հերթ է գոյացել: Եթե Դումայի ընտրությանն օրվա ընթացքում քվեարկել էր մոտ 1100 ՌԴ քաղաքացի, Պուտինի ընտրությանը այսօր ժամը 12-ի կողմ արդեն քվեարկել էր այդքան մարդ: Զգալի մասով՝ ՌԴ քաղաքացիություն ունեցող հայեր: