Արարատի մարզում Զոդի կամրջի մոտ հուլիսի 6-ին, տեղի ունեցած սարսափելի վթարի զոհերի թիվը պաշտոնապես հայտարարվում է վեցը եւ հաղորդվում են անուններ, սակայն hraparak.am-ի տեղեկություններով Սուրենավանի բնակիչ 18 տարեկան Աստղիկ Ա.-ին քիչ առաջ մահացած են հայտնաբերել, նրան վթարից հետո տեղափոխել են Արտաշատի հիվանդանոց : Ծնողները, գիտեին, որ աղջիկը վթարի ենթարկված երթուղայինի մեջ է եղել, բայց վթարից հետո մինչեւ կեսգիշեր չէին կարողանում պարզել աղջիկը ողջ է, թե մահացած:
Նշենք, որ ավելի վաղ ԱԻՆ-ը հաղորդագրություն էր տարածել վթարի հետեւանքով մահացածների տվյալների մասին, որոնց մեջ Աստղիկի անունը բացակայում է: ՃՏՊ-ի հետևանքով մահացել են Ս.Հ.-ն (ծնված 1956 թ., քաղաք Երևան), Ծ.Հ.-ն (ծնված 1999 թ., գյուղ Երասխ), Գ.Ղ.-ն (ծնված 1991 թ., գյուղ Սուրենավան), Հ.Ա.-ն (ծնված 1973 թ., Վայոց ձորի մարզ) և Ա.-ն (ծնված 1977 թ., քաղաք Արարատ):
