Իտալական «Ինտերի» կիսապաշտպան Հենրիխ Մխիթարյանը շնորհակալություն է հայտնել Հայաստանին 2023 թ. լավագույն ֆուտբոլիստ հռչակվելու համար:
«2023 թ. լավագույն ֆուտբոլիստ՝ արդեն 11-րդ անգամ: Շնորհակալություն, Հայաստա՛ն»,- գրել է Մխիթարյանը՝ Ֆեյսբուքի իր էջում:
Ավելի վաղ հայտնել էինք, որ Հայաստանի ֆուտբոլի ֆեդերացիան ամփոփել է Հայաստանի 2023թ․ լավագույն ֆուտբոլիստի քվեարկության արդյունքները, այս մասին գրում է ՀՖՖ-ն: Հավաքելով 81 միավոր՝ 2023 թվականի լավագույն ֆուտբոլիստ է ճանաչվել իտալական «Ինտեր»-ի կիսապաշտպան Հենրիխ Մխիթարյանը։
