Օրերս մամուլում հրապարակվեց մի հոդված՝ ըստ որի, եթե նախկինում մեծահարուստներն ու պաշտոնյաները շրջում էին ավտոշարասյուներով, ապա ոստիկանապետ Վլադիմիր Գասպարյանի հրահանգից հետո՝ այն է թույլ չտալ խախտել համակեցության կանոնները, իրավիճակը շտկվել է, և միայն բացառությամբ ԱԺ պատգամավոր Մելիք Մանուկյանն է շարունակում շրջել մի քանի մեքենաներով:
ArmLife.am-ը փորձեց անձամբ կապ հաստատել պատգամավորի հետ և ճշտել, թե արդյո՞ք դա այդպես է: ԱԺ պատգամավոր Մելիք Մանուկյանը առանձնապես կարևորություն չտվեց հոդվածին՝ նշելով, որ այն հերյուրանք է. «Հերիք է պղտոր ջրում ձուկ որսան: Լուրջ գործերով թող զբաղվեն և գրեն, թե ես ինչպես եմ հարյուրավոր աշխատատեղեր ստեղծում և արդյունաբերությամբ զբաղվում, որը կենսական նշանակություն է ապահովում մեր գյուղատնտեսության զարգացման համար: Ես անլուրջ հոդվածներին արհամարհում եմ, լավ կլինի իրենց լեզուները համապատասխան տեղ դնեն»,-նշեց պատգամավորը:
