Արարատի մարզի բնակիչ Հարություն Մանուկյանն, ով եղել է Կրթության ազգային ինստիտուտի Արարատի մարզի համակարգողը, CivilNet-ի թղթակցի հետ զրույցում անկեղծացել է, որ 2018-ից, լինելով գործազուրկ՝ կապ է հաստատել «Արևմտյան փորձի ներդրման գրասենյակ» ՀԿ-ի հետ, որը նախ սեռական փոքրամասնությունների դեմ պայքար է ծավալել, իսկ հետո մասնակցել Ռոբերտ Քոչարյանին կալանքից ազատելու համար կազմակերպվող ցույցերին։
Հարություն Մանուկյանը ՍիվիլՆեթին պատմում է, թե ինչպես է ստեղծվել Քոչարյանի աջակիցների այդ կազմակերպությունը ու նշում, որ Քոչարյանի մերձավորներից Արմեն Թավադյանը (5-րդ ալիքի սեփականատերը) իրեն նախնական 1500 դոլար է տրամադրել՝ աջակիցներ հավաքագրելու ու գրասենյակ հիմնելու համար։ Հետագայում, սակայն, Մանուկյանի ու Թավադյանի միջև վեճ է ծագել, կուտակվել է պարտք, որը մնացել է Մանուկյանի ուսերին։
Մանրամասը՝ տեսանյութում:
