Մոտ երեք հազար մարդ է մասնակցել այսօր Մոսկվայում ընդդեմ կենսաթոշակային ռեֆորմի տեղի ունեցած բողոքի ցույցին։ Այս մասին հայտնում է TACC լրատվական գործակալությունը։
«Ակադեմիկոս Սախարովի մայրուղում տեղի է ունեցել Մոսկվայի իշխանությունների կողմից համաձայնեցված բողոքի ցույց, որին մասնակցել է մոտ 3 հազար մարդ։ Ցույցը եղել է ընդդեմ կենսաթոշակային օրենսդրության փոփոխության։
Интерфакс-ն էլ մանրամասնել է, որ ոստիկանության աշխատակիցները համագործակցելով Ռոսգվարդիայի աշխատակիցների հետ իրականացրել են անվտանգության պահպանությունը։ Որեւէ իրավախախտում տեղի չի ունեցել։
