ԱՄՆ Պետդեպարտամենտի խոսնակ Մեթյու Միլերը մեկնաբանել է ապրիլի 5-ին Բրյուսելում ՀՀ վարչապետ Նիկոլ Փաշինյանի, Եվրոհանձնաժողովի նախագահ Ուրսուլա ֆոն դեր Լյայենի և ԱՄՆ պետքարտուղար Էնթոնի Բլինքենի մասնակցությամբ սպասվող հանդիպումը:
«Այդ մասին մանրամասն չեմ խոսի, միայն կասեմ, որ Հայաստանի և Ադրբեջանի կառավարությունների հետ մեր փոխգործակցության նպատակն է խրախուսել նրանց՝ աշխատել տարաձայնությունների հաղթահարման ուղղությամբ, և հասնել կայուն ու տևական խաղաղության համաձայնագրի»,- ճեպազրույցի ժամանակ ասել է Միլերը:
