Հինգ փամփուշտ դիպել է շենքին, որոնցից մեկն անցել է տնօրենների խորհրդի անդամ, Թուրքիայի հավաքականի նախկին կիսապաշտպան Համիտ Ալտինտոփի գլխի մոտով։
Հանցագործները մեքենայով հեռացել են դեպքի վայրից։ Սկսվել է լայնածավալ հետաքննություն։
«Հենց լսեցինք կրակոցները, անմիջապես պառկեցինք հատակին։ Գործընկերներս կարծում էին, որ ես վիրավոր եմ։ Հուսով եմ, որ մեղավորները հնարավորինս շուտ կհայտնաբերվեն»,- ասել է Ալտինտոփը:
