Եգիպտոսի Սինայի թերակղզու հյուսիսային հատվածի մզկիթում տեղի ունեցած ահաբեկչության հետևանքով զոհվել է184 մարդ և վիրավորվել 120-ը: Զոհերի թիվը կարող է աճել: Ահաբեկիչը գործի է դրել պայթուցիկ սարքը՝ ուրբաթօրյա աղոթքի ժամանակ, որից հետո կրակ է բացել ժողովրդի ուղղությամբ: Ըստ որոշ տեղեկությունների`ահաբեկչության ժամանակ մզկիթում եղել է մոտ 500 մարդ, որոնցից շատերը երեխաներ:
Հյուսիսային Սինայի նահանգի հիվանդանոցներում հայտարարվել է արտակարգ դրություն, իսկ բոլոր պետական, հասարակական նշանակության կառույցները՝ ներառյալ մզկիթներն ու եկեղեցիները, գտնվում են ուժեղացված հսկողության ներքո:
Բանակն ու ոստիկանությունն համապատասխան միջոցառումներ են իրականացնում ահաբեկիչներին հայտնաբերելու ուղղությամբ: Դեռևս ոչ մի ծայրահեղական խմբավորում չի ստանձնել ահաբեկչության պատասխանատվությունը:
Armlife.am