Ռուսաստանի Ամուրի մարզի Էկիմչան բնակավայրի շրջանում ուղևորատար ԱՆ-2 ինքնաթիռ է կործանվել, որում եղել է երկու օդաչու: Օդաչուներից մեկը մահացել է, մյուսը՝ վիրավորվել, տեղեկացնում է РИА Новости-ին: Ըստ դիսպետչերական ծառայության՝ վթարի պատճառ կարող է լինել շարժիչի անսարքությունը:
Դեպքի վայր են ժամանել ՌԴ ԱԻՆ աշխատակիցները:
Իսկ ՌԴ քննչական կոմիտեի տեղակացմամբ՝ վթարի երեք վարկած է առաջ քաշվում՝ տեխնիկական անսարքություն, օդաչուների հավանական սխալ, անբարենպաստ եղանակ. «Ռուսաստանի օդային օրենսդրության համաձայն` միջպետական ավիացիոն կոմիտեի կողմից ստեղծել է հանձնաժողով, որն իրականացնում է վթարի նախաքննություն»,-նշվում է ՌԴ քննչական կոմիտեի տարածած հաղորդագրության մեջ: Հարուցվել է քրեական գործ:
ArmLife.am
