Ֆինանսական խախտումներով զբաղվող ֆրանսիական դատախազությունը՝ մեղադրելով երկրի նախկին նախագահ Նիկոլա Սարկոզիին կոռուպցիայի, կաշառակերության ու ծառայողական գաղտնիքի խախտումը թաքցնելու մեջ, պահանջել է դատարանի առաջ կանգնեցնել նրան, տեղեկացնում է ТАСС-ը՝ հղում անելով Le Parisien-ին
Նույն մեղադրանքներ են առաջադրվել նաև Սարկոզիի փաստաբան Թիերի Էրզոգի ու վճռաբեկ դատարանի նախկին գլխավոր դատախազ Ժիլբեր Ազիբերի դեմ:
Քննիչները կարծում են, որ 2014թ. նախկին նախագահը փորձել է Էրզոգի միջոցով գաղտնի ծառայողական տեղեկություն ստանալ Ազիբերից: Այդ կերպ Սարկոզին ցանկացել է վերադարձնել իր աշխատանքային ձայնագրությունները, որոնք առգրավվել էին 2007թ. իր նախընտրական քարոզարշավի ապօրինի ֆինանսավորման գործի հետաքննության շրջանակում:
