Հայաստանի և Ադրբեջանի իշխանությունները, Կարմիր խաչի միջազգային կոմիտեի օժանդակությամբ, միմյանց մեկական ձերբակալվածի են փոխանակել:
Ինչպես հայտնում է ԱԳՆ-ն, փոխանակումը տեղի է ունեցել այսօր՝ հունիսի 28-ին, Իջևանի Կայան բնակավայրի մոտ՝ ԿԽՄԿ ներկայացուցիչների միջնորդությամբ:
ԿԽՄԿ ներկայացուցիչները պարբերաբար այցելել և ստուգել են նրանց պահման պայմանները և ապահովել են նրանց կապը ընտանիքների հետ: Խոսքը վերաբերում է ՀՀ քաղաքացի Զավեն Կարապետյանին և Ադրբեջանի քաղաքացի Էլվին Իբրահիմովին:
