Հայաստանի քրեակատարողական վարչության հանրային կապերի բաժնից հաստատեցին ցմահ դատապարտված Արամ Հարությունի Խաչիկյանի՝ հացադուլ հայտարարելու մասին տեղեկությունը:
Հայաստանի քրեակատարողական վարչության հանրային կապերի բաժնի պետ Նոնա Նավիկյանն ասաց, որ դատապարտյալը պահանջում է իր դեմ հարուցված քրեական գործի ու դատավճռի վերանայում:
Այդ նպատակով նաև դիմում է գրել արդարադատության նախարար Արտակ Զեյնալյանին՝ խնդրելով, որ նախարարն այցելի իրեն:
Արամ Հարությունի Խաչիկյանը ցմահ ազատազրկման է դատապարտվել սպանություն կատարելու և Քրեական օրենսգրքի մի շարք այլ հոդվածներով:
