Ոստիկանության հասարակական խորհրդի անդամ Արմեն Մկրտչյանը ֆեյսբուքյան իր էջում գրում է. «Ոստիկանապետն անձամբ այցելեց Հյուսիսային պողոտա, զրուցեց երեկվա միջադեպի հերոս երաժշտի հետ, ով զարմացած էր, որ անձամբ Օսիպյանն է եկել զրուցելու»։
Հիշեցնենք, որ նախօրեին Հյուսիսային պողոտայում միջադեպ էր եղել` օտարերկրացի երաժիշտների մասնակցությամբ, ինչին միջամտել են ոստիկանները, արգելել նրանց նվագել փողոցում, բերման ենթարկել ոստիկանության բաժին:
Ոստիկանապետ Վալերի Օսիպյանն էլ հայտարարեց, որ ոստիկանները ստիպված են եղել միջամտել, քանի որ երաժիշտներից մեկը ոչ սթափ վիճակում է եղել և հայհոյել է:
