ՀՀ ոստիկանապետ Վլադիմիր Գասպարյանը համաձայն չէ, որ Հայաստանում հանցագործությունները, քրեական տարրերն ավելացել են. «Բացարձակապես ձեր հետ համաձայն չեմ, ոստիկանությունն աչք չի փակում, չբացահայտվող հանցագործություններ չկան, բացահայտման տոկոսը, դինամիկան շատ լավ է»,-ընդգծեց Վ. Գասպարյանը: Իսկ թե ինչպես կարող են քրեական տարրերն, օրը ցերեկով, նման արարք թույլ տալ «Վերնիսաժում», Վ Գասպարյանը նշեց, որ դա գավառական մտածելակերպ է. «Հիմա ես անցնեմ իրենց գավառական մտածելակերպին: Գավառական մտածելակերպ է, երկուսի տարիքները տեսել եք, տեսել եք անցյալը՝ բռնված, դատված: Բոլոր նախկին հանցագործությունները բացահայտված են»,-նշեց ոստիկանապետը՝ հավելելով, որ տականքը հայրենիք և հայրենասիրություն չունի:
Լուրեր են շրջանառվում, որ «օրենքով գողերը» Հայաստանում «սխոդկա» են անում, հարցին ի պատասխան ՀՀ ոստիկանապետը նշեց. ««Օրենքով գողերը» գառի նման էնքան խելոք են իրենց պահում, չկասկածեք»:
Լրագրողները նաև հետաքրքրվեցին՝ սոցիալական ցանցերում պահանջում են Վանո Սիրադեղյանի վերադարձը, ինչպես է վերաբերվում ոստիկանապետն այդ պահանջին. «Ես Վանո Սիրադեղյանի հետ աշխատել եմ երկար տարիներ, նա իմ ընկերն է եղել ու շարունակում է մնալ»,-նշեց նա՝ հավելելով, որ դա մարդկանց կողմից հնչեցվող կարծիքներ են:
Armlife.am
