Հուլիսի 11-ի երեկոյան ՊԵԿ-ի հրապարակած հաղորդագրությունը Շիրակի պետհամալսարանում անցկացված ստուգումների արդյունքների մասին բացարձակ չզարմացրեց գյումրեցիներին, քանի որ Շիրակի մարզում և մարզկենտրոնում շատ լավ գիտեն, թե ինչի է ընդունակ Շիրակի պետհամալսարանի նախկին ռեկտոր Սահակ Մինասյանն «անվճար» գումարներ աշխատելու համար…
ՊԵԿ-ի հրապարակածը չեմ մանրամասնի, բայց մի երկու խոսքով կմեկնաբանեմ ՀՀԿ Շիրակի մարզային կառույցի ղեկավար Սահակ Մինասյանի փորլուծություն հիշեցնող մտքերը…
Նախ,պարոն նախկին ռեստորանատերը,ինչպես միշտ,հերքել է բոլոր մեղադրանքները…Անմեղ և սուրբ Սահակը իրեն ուղղված մեղադրանքները փարատելու նպատակով հայտարարել է, որ «ՊԵԿ-ը ճիշտ չի ձևակերպել փաստերը»…Բեսպրեդելության ռահվիրա Սահակ Մինասյանը սովոր էր անօրինականություններ գործել և թաքնվել իր հովանավորյալների ու հատկապես ՀՀԿ-ի թիկունքում…
Հիմա, երբ ՊԵԿ-ը հանդգնել է բացահայտել իր հանցանքները, պարզվում է, ըստ Մինասյանի, դրանք ճիշտ ձևակերպված չեն…
Հաջորդիվ, կրթական, իսկ այսօրվանից նաև ռեստորանային գործի պիոներ Սահակ Մինասյանն այնպիսի մի բան է ասում, որ միամիտ հայաստանյան ռեստորանատերերը մինչև հիմա չէին հասկացել, թե ինչպես կարելի է խաբել ՊԵԿ-ին…Պարզվում է ՇՊՀ-ին պատկանող Գյումրիի Վ. Սարգսյան 28 հասցեի շենքում Սահակ Մինասյանի կողմից բացված բուլկու և կարկանդակի արտադրամասը, չզարմանաք, եղել է համալսարանի խոհանոցին կից կառույց և ծառայել է համալսարանին…
Հավելեմ, որ ՇՊՀ-ն գտնվում է Գյումրիի Պ. Սևակ 4 հասցեում և վերը նշված հասցեից 2.5-3 կիլոմետր հեռու է…Սահակ Մինասյանի համար սա բուհի բուֆետին կից գործող կառույց է…Հետաքրքիր է, ի՞սկ ինչու բուհի բուֆետին կից գործող կառույցի վերաբերյալ որևէ փաստաթուղթ չի եղել…Եթե այդպես է, ապա հայաստանյան ռեստորանատերերը և ընդհանրապես խանութների ցանց ունեցող գործարարները լրիվ միամիտներ են…Կարելի է մեկ խանութը գրանցել, իսկ մյուսներն էլ հայտարարել որպես հիմնական խանութին կից կառույցներ՝ խուսափելով հարկերից…Պարոն Մինասյանը ուղղակի ցնցող պատասխան է տվել, երբ լրագրողը նրան հիշեցրել է,որ բուհի գլխավոր հաշվապահը և ֆինանսիստը բացարձակ տեղյակ չեն եղել այդ արտադրամասից… Մինասյանը կրկին մեջբերել է անգիր արած՝”Ճիշտ չի ձևակերպված” արտահայտությունը…
ՊԵԿ-ի կողմից բացահայատված մյուս խայտառակությունների վերաբերյալ հարցերին Սահակ Մինասյանը չի պատասխանել…Չէր էլ պատասխանի, քանի որ ստելու “դրամապանակը” արդեն դատարկել էր…Սահակ Մինասյանը սպասում է քննության ավարտին և հույս ունի,որ այս անգամ էլ ջրից չոր է դուրս գալու…Սահակ Մինասյանին բացահայտ պաշտպանում են որոշ իրավապահներ, որոնց հետ սույն կոռումպացվածը մինչև հիմա սերտ կապերի մեջ է և հիմա էլ շարունակում է մտերմություն անել…
Տեսնես Սահակ Մինասյանը ինչպե՞ս է բացատրելու այն հանգամանքը, որ իր արտադրամասի աշխատողներին աշխատավարձ է վճարել բուհի բյուջեից, ինչպես նաև էլեկտաէներգիայի վարձավճարներն է փակել բուհի հաշվին, բայց որևէ լումա այդ բուֆետներից և արտադրամասից բուհի բյուջե չի մուտքագրվել…
Կեղծիք են Մինասյանի այն զազրախոսությունները, որ այդ բուֆետն աշխատել է ինքնածախսածածկման սկզբունքով, քանի որ մենք մոտավորապես գիտենք, թե ինչ գումարներ են ծախսվել բուֆետի վրա, բայց թե որքան մուտք է եղել,դա գիտեմ բոլորը՝0 դրամ…Ու սա կոչվում է ինքնածախսածածկում…
Հուսանք` Շիրակի մարզի դատախազ Կարեն Գաբրիելյանը շատ արագ կարձագանքի ՊԵԿ-ի բացահայտումներին… Որքան հասկանում եմ, ՀՀ Գլխավոր դատախազի սանիկը թուլություն ունի ՀՀԿ Շիրակի մարզային կառույցի ղեկավարի նկատմամբ…Սահակ Մինասյանի կողմից տասնյակ հանցագործությունների, անօրինականությունների մասին գրառումներից 8 ամիս անց հազիվ մեղմ հոդվածով քրեական գործ հարուցեց իր ընկերոջ՝ Սահակ Մինասյանի դեմ…
ՊԵԿ-ի հրապարակած տեղեկությունը ևս մեկ ապացույց է, որ Սահակ Մինասյանը տարրական թալանի է ենթարկել ՇՊՀ-ը…
Հ.Գ.Հավելեմ, որ 2018 թ-ի ապրիլի 26-ին բուհի հաստատված նոր հաստիկացուցակի համաձայն` ՇՊՀ-ի «Հյուրատան գործունեության և հասարակական սննդի կազմակերպման բաժնի» համար, ռեստորանահոթելային գործի սիրահար Մինասյանը հատկացրել է 17 դրույք…Սա ահռելի թիվ է մեր համալսարանի համար…
Գագիկ Համբարյան
