Search
Close this search box.

ԱԺ-ն մերժեց Հարկային օրենսգրքում փոփոխությունների «Ելք»-ի նախագիծը

Ազգային ժողովը մերժեց Հարկային օրենսգրքում փոփոխություններ կատարելու մասին օրենքի նախագիծը. «Քանի որ ըստ կառավարության եզրակացության համաձայն օրենքի նախագիծը նվազեցնում է պետբյուջեի եկամուտները, ՀՀ Սահմանադրության 109-րդ հոդվածի 3-րդ մասի համաձայն կառավարության պահանջով և ըստ Ազգային ժողովի կանոնակարգ սահմանադրական օրենքի 76-րդ հոդվածի 1-ին մասի, քվեարկության դրվող նախագիծը պետք է ընդունվի պատգամավորների ընդհանուր թվի ձայների մեծամասնությամբ»,- ընդգծեց ՀՀ ԱԺ նախագահը:

35 կողմ,  38 դեմ ձայների հարաբերակցությամբ որոշումը չընդունվեց:

Հիշեցնենք, որ հարկային օրենսգրքում փոփոխություններ կատարելու մասին օրինագծով «Ելք» խմբակցությունն առաջարկում էր վերադառնալ բենզինի, սեղմած գազի ակցիզային հարկի նախորդ դրույքաչափերին, դիզվառելիքի վաճառքը հանել ավելացված արժեքի հարկով հարկման դաշտից, ինչպես նաև որոշակիորեն նվազեցնել եկամտահարկի սանդղակը: