Թուրքիայից Ուկրաինա «Ազով» ազգային գնդի հրամանատարների վերադարձը պայմանավորվածությունների պայմանների բացարձակ խախտում է։ Այս մասին «Զվեզդա»-ին հայտնել է ՌԴ նախագահի մամուլի քարտուղար Դմիտրի Պեսկովը։
«Համաձայն պայմանավորվածությունների՝ «Ազովի» առաջնորդները պետք է մնային Թուրքիայում մինչև հակամարտության ավարտը», – ասել է Կրեմլի խոսնակը։
Նա ընդգծել է, որ և՛ Թուրքիան, և՛ Կիևը խախտել են վերադարձի պայմանները։ Ընդ որում, ոչ ոք Ռուսաստանին չի տեղեկացրել այդ զինվորականներին Ուկրաինա տեղափոխելու մասին։
Ավելի վաղ Ուկրաինայի նախագահ Վլադիմիր Զելենսկին ասել էր, որ Թուրքիայից Ուկրաինա են վերադարձել «Ազովի» հրամանատարները և Ազովստալի պաշտպանության անդամները։ 2022 թվականի մայիսին նրանք գերի էին ընկել Ռուսաստանի կողմից և հետագայում փոխանակվել։