Ռուսաստանի դեսպանատունը մայիսի 2-ին բողոքի նոտա կհղի Լեհաստանում ռուսական դիվանագիտական ներկայացուցչություն`դպրոցի բռնի զավթման կապակցությամբ։ Այս մասին ՌԻԱ Նովոստիին ասել է Վարշավայում ՌԴ դեսպան Սերգեյ Անդրեևը։
«Մենք նոտա կհղենք , ըստ երևույթին, երեքշաբթի։ Այսօր բողոքի նոտան հանձնելու անգամ տեղ չկա», – հայտարարել է դիվանագետը։
Անդրեևը հիշեցրել է, որ Լեհաստանում պետական հաստատությունները կսկսեն աշխատել միայն մայիսի 2-ին։
Ապրիլի 29-ին Վարշավայի քաղաքապետարանի ներկայացուցիչներն իրավապահների հետ ներխուժել են ՌԴ դեսպանատան դպրոցի տարածք։ Դիվանագիտական ներկայացուցչության և դպրոցի աշխատակիցները հրաժարվել են ինքնակամ բացել դարպասները, ինչից հետո Լեհաստանի իշխանությունները սկսել են կոտրել դռները։
Ռուսաստանի ԱԳՆ-ն ավելի ուշ խոստացավ կոշտ արձագանքել տեղի ունեցածին՝ համարելով տեղի ունեցածը 1961 թվականի Վիեննայի դիվանագիտական հարաբերությունների մասին կոնվենցիայի կոպիտ խախտում։ Միաժամանակ Անդրեևը հայտնել է, որ Մոսկվան պատրաստվում է բողոքի նոտա հղել Վարշավայի դեմ։
