Կորոնավիրուսը կարող է փոխել մարդու արտաքին տեսքը: News.ru-ի հաղորդմամբ, այս մասին ասել է NACFF կլինիկայի տրիկոլոգ և մաշկավեներաբան Տատյանա Եգորովան: Փորձագետի խոսքով, փոփոխությունները վերաբերում են հիվանդությամբ վարակված մարդկանց մազերի գույնին:
«Կորոնավիրուսից հետո հիվանդներից մեկի մազերը երկու երանգ բացվել էր, բայց մազերի կառուցվածքը չէր փոխվել։ Ազդեցությունը միայն գույնի վրա էր: Մարդու մարմնի վրա կորոնավիրուսի ազդեցության մեխանիզմը դեռ մի քանի տարի պետք է ուսումնասիրվի»,- նշել է բժիշկը:
Եգորովան միաժամանակ ավելացրել է, որ COVID-19-ը առաջացնում է մազաթափություն և եղունգների հետ կապված խնդիրներ: Նա ենթադրում է, որ մազերի գույնի փոփոխությունը կապված է հիվանդի իմունային ռեակցիայով կորոնավիրուսին: Սա հաստատելու համար ավելի շատ տվյալներ պետք է հավաքվեն:
