Արդեն տևական ժամանակ է, ինչ կալանքի տակ գտնվող Ռոբերտ Սուքիասյանը, ով իշխող «Իմ Քայլը» խմբակցության պատգամավոր Խաչատուր Սուքիասյանի եղբայրն է, գտնվում է քաղաքացիական հիվանդանոցում։ Այդ մասին InfoPort.am-ին հայտնեց Սուքիասյանի փաստաբան Գոռ Միքայելյանը:
Ըստ փաստաբանի` Սուքիասյանը ողնաշարի ճողվածք, սրտի հետ կապված, միզապարկի հետ կապված խնդիրներ ունի:
Փաստաբանը նաև տեղեկացրեց, որ երեկ Վերաքննիչ քրեական դատարանում բողոքարկել է առաջին ատյանի դատարանի ոոշումը, որով երկարացվել էր Սուքիասյանի կալանքի ժամկետը։ Ըստ Միքայելյանի` Սուքիասյանի կալանավորման հիմքերը չկան, որովհետև կան տեսագրություններ, որտեղ երևում է իր պաշտպանյալի գործողությունները, և կալանքի վերացման դեպքում վերջինս չի պատրաստվում որևէ կերպ ներազդել վկաների վրա:
«Տպավորություն ունեմ, որ Ռոբերտ Սուքիասյանին պահում են գերու կարգավիճակով»,- պնդեց փաստաբանը։
Նշենք, որ Ռոբերտ Սուքիասյանը ձերբակալվել է, ապա կալանավորվել է հուլիսի 18-ին Երևանի Ամիրյան փողոցում հնչած կրակոցների դեպքի առնչությամբ:ա
