Ադրբեջանցիները մեր տարածքում զենք են օգտագործել, որի արդյունքում մենք զոհ ունենք: Իրենք փորձում են դա կոծկել: Այս մասին խորհրդարանում հայտարարեց ՊՆ նախարարի պաշտոնակատար Վաղարշաակ Հարությունյանը՝ արձագանքելով ադրբեջանական հայտարարությանը, թե հայկական կողմը գնդակոծել է Ադրբեջանի մարտական դիրքերը։
Նախարարի պաշտոնակատարն ասաց, որ ինքը հանձնարարել է ու կապ են հաստատել խաղաղապահների հետ, ովքեր այդ տեղեկատվությունը հերքել են. «Եթե նկատել եք, նաև Շուշիում են ասել: Այնպես որ սա իրենց կողմից հնարք է, որպեսզի հանրությանը ցույց տան, իբր հայկական կողմը գնում է գործողությունների»:
Հարությունյանն ասաց, որ հստակ գիտեն ադրբեջանական կողմի մտահաղացումը, մարտավարությունը:
