«Միասնական Հայաստան» Ազգային Շարժման հայտարարությունը
Պատվախնդի՛ր Հայեր
«Միասնական Հայաստան» Ազգային Շարժման անունից շնորհակալություն եմ հայտնում ձեզ՝ երեկ Երևան քաղաքի Ազատության հրապարակում ձեր ակտիվ մասնակցության համար:
Տեղեկացնում եմ, որ այսօր տեղի է ունեցել «Միասնական Հայաստան» Ազգային Շարժման անդրանիկ նիստը, որի ընթացքում կայացվել է երկու որոշում.
1. Սկսել քաղաքական խորհրդակցություններ Հայաստանի այն ընդդիմադիր կուսակցությունների հետ, որոնց օրակարգում ևս կա մեր կողմից հռչակված «ՀԵՌԱՑՆԵ՛ՆՔ Նիկոլին» նպատակը: Օրերի ընթացքում, քաղաքական խորհրդակցությունների ավարտից հետո, «Միասնական Հայաստան» Ազգային Շարժումը կհայտարարի հաջորդ հավաքների (միտինգների) մասին:
2. «Միասնական Հայաստան» Ազգային Շարժումը դատապարտում է երեկվա՝ Փաշինյան Նիկոլի կողմից իր ուժային կառույցներին՝ այդ թվում Ոստիկանությանը տրված ապօրինի հրամանները՝ հայ ժողովրդին վախեցնելու, ազատ կամարտահայտման իրավունքից զրկելու, հանրահավաքին մասնակցել ցանկացող քաղաքացիների նկատմամբ կիրառվող գաղտնի և բացահայտ ճնշումների վերաբերյալ:
«Միասնական Հայաստան» Ազգային Շարժման հաջորդ հանրահավաքին Հայ Ժողովրդի էլ ավելի ակտիվ մասնակցությունը կլինի իշխանության դեմ համարժեք պատասխան:
«ՀԵՌԱՑՆԵ՛ՆՔ Նիկոլին» կարգախոս-օրակարգն այլընտրանք չունի, և մենք, համազգային պայքարի միջոցով, հասնելու ենք այդ նպատակի անհետաձգելի իրականացմանը:
ՄԵՐ ՀԱՎԱՏՔՆ ԱՆՊԱՐՏԵԼԻ՛ է,
ՄԵՐ ԸՆԹԱՑՔՆ՝ ԱՆԿԱՍԵԼԻ՛,
ՄԵՐ ՀԱՂԹԱՆԱԿՆ՝ ԱՆԽՈՒՍԱՓԵԼԻ՛:
«ԱՍՏՎԱ՛Ծ, ՀԱ՛Յ ԱԶԳ, ՀԱՅԱՍՏԱ՛Ն»:
«Հայոց Արծիվներ. Միասնական Հայաստան»
կուսակցության Նախագահ՝ Խաչիկ Ասրյան
