Հնագետները 16-17-րդ դարի 100 գերեզման են հայտնաբերել: Հուղարկավորված երեխաների բերանի մեջ մետաղադրամներ են եղել, հաղորդում է Popmech-ը:
Անցած տարի նոր ճանապարհի շինարարության ժամանակ աշխատողները մարդկային մնացորդներ են գտել: Գիտնականները ենթադրել են, թե այդ վայրում գերեզման կա, սակայն առաջին պեղումները հերքել են այդ տեսությունը: Որոշ ժամանակ անց այդ տեսությունը հստատվել է: Գիտնականները 115 մարմին են հայտնաբերել:
Մեծ մասը երեխաներ են եղել: Ավելի մանրամասն ուսումնասիրելուց հետո պարզվել է, որ երեխաների բերանի մեջ մետաղադրամներ կան:
Նշվում է, որ դա սովորույթ է եղել, որը կապ ունի հին հույների եւ հռոմեացիների հետ:
Մետաղադրամների մեծ մասը թվագրվում է Սիգիզմունդ Երրորդ թագավորի կառավարման տարիներին, ով Լեհաստանի միապետն էր 1587 եւ 1632 թվականների միջեւ: Ինչպես նաեւ հայտնաբերվել են Իոանն Երկրորդ Կազիմիրի կառավարման տարիների մետաղադրամներ: Նա Լեհաստանի թագավորն էր 1648 եւ 1668 թվականների միջեւ: