«Ժողովուրդ» թերթը գրում է․ ««Ժողովուրդ» օրաթերթը տեղեկացավ, որ այսօր ՌԴ Դաշնային Ժողովի Դաշնության խորհրդի միջազգային գործերով կոմիտեի անդամները Երեւանում հանդիպում են ունենալու ՀՀ ԱԺ արտաքին հարաբերությունների հանձնաժողովի անդամների հետ: Մեր տեղեկություններով` հայկական կողմի պատգամավորները մի շարք հարցեր են պատրաստվում բարձրաձայնել իրենց ռուս գործընկերների առջեւ:
Վերջերս մեծ աղմուկ հանեց նաեւ ռուս գրող Ալեքսանդր Գրիբոյեդովի արձանը կարմիր ներկելու դեպքը` ի պատասխան ՌԴ Արմավիր քաղաքի քաղաքային դումայի պատգամավոր Ալեքսեյ Վինոգրադովի կողմից Գարեգին Նժդեհի հուշատախտակի ներկմանը: Սակայն «Ժողովուրդ» օրաթերթի հետ զրույցում ԱԺ արտաքին հարաբերությունների մշտական հանձնաժողովի անդամ Սոս Ավետիսյանը հայտարարեց, թե այդ թեման վաղուց փակված է: «Չեմ կարծում, որ արձանի ներկման վերաբերյալ էլի քննարկումներ կլինեն, որովհետեւ իրականում իսկապես դա լավ գործողություն չէր, եւ արդեն հայտարարվել է, որ մեզ համար այդ արարքը ընդունելի չէ», – նշեց նա»:
Առավել մանրամասն՝ թերթի այսօրվա համարում