Այսօր Կառավարությունն իր արտահերթ նիստում Սասուն Խաչատրյանին Հայաստանի Հանրապետության հատուկ քննչական ծառայության պետ նշանակեց: Նախագիծը ներկայացրեց փոխվարչապետ Տիգրան Ավինյանը:
«Ղեկավարվելով «Հատուկ քննչական ծառայության մասին» օրենքի 9-րդ հոդվածի 1-ին մասով` Հայաստանի Հանրապետության կառավարությունը որոշում է. Սասուն Խաչատրյանին նշանակել Հայաստանի Հանրապետության հատուկ քննչական ծառայության պետ՝ 6 տարի ժամկետով»,- նշված է նախագծում:
