Բաց նամակ ՀՀ Նախագահին
Հարգելի պարոն Նախագահ, Դուք բազմիցս ասել եք, որ պատրաստվում եք բարեփոխումների և պատրաստ եք մաքրելու Հանրապետական կուսակցության շարքերը: Սակայն դեռևս շարունակում եք հովանավորել այնպիսի մարդկանց ինչպիսին է Արտակ Սարգսյանը: Մարդ ով հայտնի է իր անբարտավան վարքագծով և հակամարդկային գործունեությամբ: Դուք նրան ներեցիք անգամ նախընտրական այն ձայնագրությունները․․․Էլ չասեմ այն, որ իր աշխատողներին դարձրել է ստրուկ և առանց հանգստի, առանց արձակուրդի իրավունքի աշխատացնում է օրական 12 ժամից ավելի, շատերին անգամ գումար չվճարելով: Այնքան մարդիկ կան, որ պատրաստ են վկայել, որ աշխատելով չեն վճարվել հիմար մի պատճառով, որը հորինում են նրան շրջապատող կիսգրագետ մարդիկ: Տեսե՞լ եք երբևէ, թե ովքեր են աշխատում ՍԱՍ գրուպի գրասենյակում: Տեղյա՞կ եք այն բազմաթիվ բիզնես ծրագերի մասին, որը իրականացնում է «խեղճ» պատգամավորը:
Մի՞թե դա օրենքի խախտում չէ կամ միթե նորմալ է՝ երբ 1000 աշխատակիցից միայն 100 -ն է գրացված և դրանով են կարողանում ընտրությունների ժամանակ ձայներ ապահովվել: Հետաքրքրվեք, տեսեք՝ ինչ է կատարվում Ձեր շրջապատում, մարդ ով ամեն տեղ նստում և գլուխ է գովում, որ շաբաթական մի անգամ Ձեր հետ խաղալու հնարավորություն ունի: Չեք ուզում սաստել նրա ամբարտավան եղբորը, որ հայտնի ժողովից հետո ասում էր աշխատակիցներին՝ « Բա գիտեիք պատժվելու էի լավ էիք զգում Ձե՞զ»: Մի՞թե Դուք հանդուրժելու եք, որ նման մարդիկ շարունակեն իրենց գործունեությունը ՀՀԿ-ում:
Դե պատգամավոր Արտակ Սարգսյանի գործունեության մասին գերադասում եմ լռել, քանի որ նա ներկա է միայն կոճակ սեղմելու համար: Խնդրում եմ Ձեզ, օգնեք արդարություն հաստատել, մի թողեք կեղտոտվի Ձեր անունը՝ գողերի կողմից, ովքեր հասարակ աշխատանքի կարոտ մարդանց են գող անվանում և անարդար ազատում՝ իբր պատժում: Բա իրենք երբ են պատժվելու, կգա՞ այդ օրը։ Նրանց նմանների պատճաով է, որ այսօր ես և իմ նման շատ մարդիկ հալածվելով ապաստարան են գտնում արտերկրում: Այժմ ես բնակվում եմ Գլենդելում, հեռու եմ այդ տականքներից, բայց սիրտս ցավով է լցվում, երբ մտածում եմ, որ նրանք անպատիժ են մնալու:
Կարինե Ստեփանյան