Նոր քիչ առաջ մեջտեղի շարքերում նստած մեկը ոգեւորված ձեռքը տնկած խոսում էր. քրգործերի՞ց եք խոսում, ո՞ւր ա, էստեղ ձեր շարքերում պետք է նստած լիներ մեկը, ում բերածների վրա բազմաթիվ քրգործեր կա: Այս մասին այսօր՝ հոկտեմբերի 26-ին, Երեւանի ավագանու արտահերթ նիստում դիմելով «Ազգային առաջընթաց» խմբակցության անդամ Պեդրո Զարոկյանին, ասաց «Հանրապետություն» խմբակցության ղեկավար Անի Խաչատրյանը՝ նկատի ունենալով նախկին քաղաքապետ Հայկ Մարությանին:
«Տենց ձեռքերը տնկել, ոգեւորված խոսե՞լ եք: Չփորձեք հաջոևդ անգամ մեր ժողովրդի մասին տենց ձեռքով խոսել: Դուք մեր ձեռքերը դեռ չեք տեսել»,-ասաց Խաչատրյանը, իսկ Պեդրո Զարոկյանը տեղից ինչ-որ բան էր բղավում:
Քաղաքապետ Տիգրան Ավինյանն ասաց, որ որքան էլ հնչող ելույթը լինի էմոցիոնալ կամ որեւէ քաղաքական ուղղվածության, տեղից արձագանքել պետք չի, քանի որ բոլորն ունեն ելույթի իրավունք:
Անի Խաչատրյանը շարունակեց՝ դիմելով Մեդրո Զարոկյանին. «Մե՞զ էիք ՕԵԿ ասո՞ւմ, այ անհայտ ծագման արարածներ: Այդ պիտակները կպցնելուց առաջ առհասարակ ձեր կենսագրությունները նայեք, ձեր թիմից շատերը այնքան հաճախ են ճամբար փոխում, այնքան հաճախ են կուսակցություններ ու ցուցակներ փոխել, որ նույնիսկ անունը չեն հիշում: ՕԵ՞Կ, դուք ո՞վ եք, նույնիսկ ձեր կուսակցությունը կենսագրություն չունի, անկենսագիրները չփորձեն հաջորդ անգամ «Հանրապետություն» կուսակցությանը որեւէ պիտակավորում տալ: Թե չէ ձեր Կարգին Հայկոյին կբերեք կնստացնեք էստեղ, հերթով պիտակներ, քաղաքապետ եղած իր տարիները կհիշեցնենք:Շորերն էլ կարա ինքը ընտրի, ինչ սեռի շոր հագնի»:
