Արցախի Հանրապետության արտաքին գործերի նախարար է նշանակվել Սերգեյ Ղազարյանը, հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:
Արցախի նախագահ Արայիկ Հարությունյանի մեկ այլ հրամանագրով Դավիթ Բաբայանն ազատվել է Արցախի արտաքին գործերի նախարարի ժամանակավոր պաշտոնակատարի պաշտոնից: Սերգեյ Ղազարյանը մինչ այս զբաղեցնում էր Հայաստանում Արցախի մշտական ներկայացուցչի պաշտոնը:
Ծնվել է 1979թ. մայիսի 23-ին Ստեփանակերտ քաղաքում։
1996թ. ավարտել է Ստեփանակերտի թիվ 8 միջնակարգ դպրոցը։
1996-1998թթ. սովորել է Արցախի պետական համալսարանի իրավաբանական ֆակուլտետում։
2003թ. ավարտել է Մոսկվայի միջազգային հարաբերությունների պետական ինստիտուտի միջազգային հարաբերությունների ֆակուլտետը։
2002-2003թթ. ընդունվել և ավարտել է ՌԴ կառավարությանն առընթեր ֆինանսական ակադեմիայի ֆինանսական մենեջմենթի ֆակուլտետը։
2007-2008թթ. աշխատել է ԼՂՀ արտաքին գործերի նախարարության քաղաքական վարչությունում, միաժամանակ դասախոսել ԱրՊՀ քաղաքագիտության ֆակուլտետում։
2008-2009թթ.՝ ԼՂՀ քաղաքաշինության նախարարության աշխատակազմի ղեկավար
2009թ. օգոստոս-հոկտեմբեր՝ ԼՂՀ արտաքին գործերի նախարարության վերլուծության և քաղաքական պլանավորման բաժնի առաջին քարտուղար
2009-2010թթ.՝ ԼՂՀ կառավարության աշխատակազմի ղեկավար-նախարարի տեղակալ
2010թ. մայիսի 23-ի խորհրդարանական ընտրություններում թիվ 2 ընտրատարածքից ընտրվել է ԼՂՀ հինգերորդ գումարման Ազգային ժողովի պատգամավոր:
2010թ. հունիսի 10-ին ընտրվել է ԱԺ արտաքին հարաբերությունների մշտական հանձնաժողովի նախագահի տեղակալ:
2016թ. ՌԴ-ում ԼՂՀ ներկայացուցչության տնտեսական հարցերով խորհրդական
