Ուկրաինայի նախագահ Վլադիմիր Զելենսկին ուղերձով է հանդես եկել, որում ասվում է․
«Հակառակորդը ահաբեկչական հարձակումների երկրորդ ալիքը ձեռնարկեց մեր երկրի դեմ։ Արձակվել է 28 հրթիռ, որոնցից 20-ը խոցվել են։ Իրանական հարձակողական անօդաչու թռչող 15 սարք է արձակվել, որոնցից շատերը խոցել ենք։
Ես շնորհակալություն եմ հայտնում մեր օդային, ցամաքային և հետախուզական անձնակազմին, ովքեր պաշտպանում են ռուսական այս հարվածներից:
Վերականգնողական աշխատանքները բավականին արագ և արդյունավետ են ընթանում հանրապետության ողջ տարածքում»,-ասել է երկրի ղեկավարը։
Զելենսկու խոսքով՝ եթե ռուսական կողմը հոկտեմբերի 11-ին էլ չհարվածեր, հոկտեմբերի 10-ի հարվածների հետևանքով տուժած ենթակառուցվածքների աշխատանքներն արդեն ավարտված կլինեին։
Նախագահը շնորահակալություն է հայտնել փրկարարներին, ովքեր միշտ տեղում են եղել։
«Շնորհակալություն բոլոր բժիշկներին, ովքեր օգնել են վիրավորներին և տուժածներին։ Շնորհակալություն եմ հայտնում տեղական ինքնակառավարման մարմինների աշխատողներին, տեղական ինքնակառավարման մարմինների ղեկավարներին և պետական պաշտոնյաներին, ովքեր աշխատել են միասին, իսկապես միասնաբար և գերազանց։
Կցանկանայի նաև շնորհակալություն հայտնել բոլոր ուկրաինացիներին, ովքեր երեկ լսեցին և սահմանափակեցին իրենց էլեկտրաէներգիայի սպառումը կրճատել պիկ ժամերին։ Խնդրում ենք շատ էլեկտրաէներգիա պահանջող սարքերի էներգիայի սպառումը հետաձգել օրվա այլ ժամերի: Անհատի համար դա դժվար չէ, և դա մեծ արդյունք է տալիս մեր ողջ երկրի սահմաններում»,-նշել է երկրի ղեկավարը։