Search
Close this search box.

Նախարարն աշխատավայրում է, բայց …

ՀՀ պաշտպանության նախաար Սուրեն Պապիկյանն աշխատավայրում է։ Նա իրեն լավ է զգում, բայց պատրաստվում է կորոնավիրուսի թեստ հանձնել։ Տեղեկությունը Sputnik Արմենիայի հետ զրույցում հայտնեցին ՀՀ պաշտպանության նախարարությունից։

Հայտնել էինք, որ հունվարի 28-ին նախատեսված զինված ուժերի կազմավորման 30-ամյակին նվիրված ընդունելությունը, որը պետք է կայանար «Դվին» հյուրանոցային համալիրի մեծ սրահում, հետաձգվել է, քանի որ ԳՇ պետի, բանակի ղեկավար կազմում մի շարք բարձրաստիճան պաշտոնյաների, ինչպես նաև հրավիրյալ որոշ անձանց մոտ կորոնավիրուս է հայտնաբերվել:

Հիշեցնենք` հունվարի 26–ին ՀՀ պաշտպանության նախարար Սուրեն Պապիկյանի գլխավորությամբ նախարարությունում անցկացվել էր կոլեգիայի նիստ, որի ավարտին տեղի էր ունեցել պարգևատրման արարողություն։
Գերատեսչական պարգևների էին արժանացել զինված ուժերի առավել բարձր արդյունքներ գրանցած ստորաբաժանումներն ու զինծառայողները, ասել է թե Պապիկյանը դեմառդեմ շփվել էր ՀՀ զինված ուժերի բարձրաստիճան սպաների հետ, որոնց մի մասը, հնարավոր է, կորոնավիրուսով վարակվածների թվում են։