Կիևի երկնքում ծածանել են Ղազախստանի դրոշը

«Ղազախստանի դրոշը ծածանվել է Կիևի երկնքում՝ ի նշան աջակցության այդ երկրի ժողովրդի և ուշադրություն հրավիրելու համար այնտեղ տեղի ունեցող իրադարձությունների վրա»,- գրում է «Ուկրինֆորմ» գործակալությունը Telegram-ի իր ալիքում։

Հրապարակվել են նաև լուսանկարներ, որտեղ պարզ երեւում է, որ դրոշը երկինք է բարձրացվել անօդաչու սարքերի միջոցով։ Այն ծածանվել է Ուկրաինայի մեծ դրոշի, ինչպես նաև Մայր Հայրենիքի հուշարձանի մոտով։