ՌԴ արտաքին գործերի նախարար Սերգեյ Լավրովը ծավալուն հարցազրույց է տալիս՝ անդրադառնալով Լեռնային Ղարաբաղի հակամարտության սրմանն ու հարցի խաղաղ կարգավորման շուրջ ռուսական կողմի միջնորդական ջանքերին:
Նախարարի հետ զրուցում են RT հեռուստաալիքի և Sputnik լրատվական գործակալության գլխավոր խմբագիր Մարգարիտա Սիմոնյանը, Говорит Москва ռադիոկայանի գլխավոր խմբագիր Ռոման Բաբայանն ու Комсомольская правда պարբերականի գլխավոր խմբագիր Վլադիմիր Սունգորկինը:
Իր հարցազրույցում ՌԴ գլխավոր դիվանագետը նշել է, որ ՌԴ ռազմական դիտորդները կարող էին ապահովել ԼՂ-ում կրակի դադարեցման ռեժիմի վերահսկումը:
«Հիմա նույնիսկ ոչ թե խաղաղապահները, այլ ռազմական դիտորդները կարող էին ապահովել կրակի դադարեցման պահպանումը: Դրանց տեղակայումը բավարար կլիներ: Մենք գտնում ենք, որ դա միանգամայն ճիշտ կլիներ, եթե մեր ռազմական դիտորդները լինեին, սակայն վերջնական խոսքը հակամարտող կողմերինն է»,-ասել է Լավրովը:
Միևնույն ժամանակ նա նշել է, որ հրադադարի ռեժիմի պահպանումը վերահսկելու համար պետք է խաղաղապահներ տեղակայվեն:
«Առաջին փուլում, բացի երկու շրջանների ազատագրումից, կարգելափակվեին բոլոր հաղորդակցությունները, տնտեսական կապերը, տրանսպորտային կապերը պետք է արգելափակվեն, և խաղաղապահները կտեղակայվեն՝ ռազմական գործողությունների չվերսկսումը երաշխավորելու համար», – ասել է Լավրովը:
Նա հավելել է, որ այս մեխանիզմը պետք է հիմա գործի իրական շփման գծում:
