Բելառուսում մահացած են գտել ընտրող հանձնաժողովի անդամին, ով հրաժարվել էր ստորագրել ընտրությունների արձանագրության տակ, ինչից հետո անհետ կորել էր:
Վոլկովիսկի Բագրատիոնի անվան ռազմա-պատմական թանգարանի 29-ամյա տնօրեն Կոնստանտին Շիշմակովի մարմինը հայտնաբերվել է Նեման գետում: Նա Վոլկովիսկի ընտրատեղամասի հանձնաժողովի 2 անդամներից մեկն էր: Ընտրություններին հաջորդող շաբաթը նա արձակուրդի մեջ է եղել, իսկ օգոստոսի 15-ին դուրս է եկել աշխատանքի: Նույն օրվա երեկոյան ժամը 17:00-ի մոտակայքում երիտասարդը զանգահարել է կնոջն ու ասել. «Ես էլ այստեղ չեմ աշխատելու, տուն եմ գալիս»: Սակայն տուն այդպես էլ չի հասել:
Ի դեպ, Բելառուսում գործող «Զվանո» իրավապաշտպանական հասարակական նախաձեռնության տվյալներով՝ Բելառուսում բողոքի ակցիաների ժամանակ զոհվել է առնվազն 5 մարդ: Վիրավորներից 7-ի վիճակը ծայրահեղ ծանր է: Այնինչ պաշտոնապես հնչեցվում է մայն 2 զոհի անուն, որոնց մասին տեղեկատվութունը հայտնվել էր ավելի վաղ. նրանք են՝ Մինսկում զոհված Ալեքսանդր Տարայկովսկին ու Գոմելում զոհված Ալեքսանդր Վիխորը:
