Արցախի Հանրապետության նախագահի նախկին խորհրդական Տիգրան Աբրահամյանը ֆեյսբուքյան իր էջում գրել է. «Ադրբեջանի տեղեկատվական գործողությունները հուշում են, որ իրականացվում է տեղեկատվական նախապատրաստում նոր գործողությունների իրականացման համար։
Ադրբեջանական կողմի այս աշխատանքը ոչ միշտ է առկա իրողությունների մեջ տեղավորվում, սակայն ընդհանուր տրամաբանության մեջ փոխանցվող ազդանշանները որոշակի դատողությունների հիմք են ստեղծում»։
