«Սասնա ծռեր»-ի անդամ, ազատամարտիկ Պավլիկ Մանուկյանին բերման են ենթարկել Երևանի ընդհանուր իրավասության դատարանի Շենգավիթի նստավայրի բակից:
Ըստ ոստիկանների՝ Պ. Մանուկյանը խախտել է պարետի որոշումը և այգում զբոսնել է առանց դիմակի։ Նա հրաժարվել է կատարել ոստիկանների պահանջը և չի ենթարկվել վերջինների հորդորին:
Դատական նիստը հետաձգվել է ազատամարտիկի բացակայության պատճառով:
Հիշեցնենք՝ Երևանի ընդհանուր իրավասության դատարանի Շենգավիթի նստավայրում այսօր «Սասնա ծռերի» գործով հերթական դատական նիստն էր։
