Իրանում մի քանի ուսանողներ բողոքի ակցիա են իրականացրել Թեհրանում Հայաստանի դեսպանության մոտ։ Նրանք բողոքել են Իսրայելում դեսպանություն բացելու Հայաստանի որոշման դեմ, հայտնում է IRIB-ը։
Իրանագետ Վարդան Ոսկանյանն իր էջում տեղի ունեցածի մասով գրում է. «Դատելով Թեհրանում Հայաստանի դեսպանատան մոտ տեղի ունեցած բողոքի գործողության մասին հրապարակված լուսանկարներից, ցուցարարների պաստառներին հակահայկական որևէ կարգախոս չի եղել և Հայաստանի դրոշ չի այրվել։
Չնայած սրան, փաստն ինքնին անհանգստացնող է և ցավալիորեն ցուցիչ Հայաստան-Իրան հարաբերություններում ծագած կնճռոտ խնդրի, որը հնարավորին արագ և անցնցում պետք է հարթվի։
Ավելի մանրամասն սակայն հարցին կանդրադառնամ վաղը՝ լրատվամիջոցներին մեկնաբանություններում»։
