Այս պահի դրությամբ մենք ունենք արդեն 16 հաստատություն, որտեղ պահվում են թե դրական, բայց՝ թեթև ձևով պացիենտները, թե նրանք, ովքեր շփվել են հաստատված դեպքերի հետ: Ուզում եմ նաև ասել, որ այս պահին Հայաստանում 9 բժշկական կազմակերպություն զբաղվում են գրեթե միայն կորոնավիրուսի պացիենտների բուժումով: Կառավարության նիստում հայտարարեց Առողջապահության նախարար Արսեն Թորոսյանը՝ թվելով բոլոր կենտրոնները:
Թորոսյանի խոսքերով, հաշվի առնելով թվերի մեծանալը, որոշում է կայացվել, որ Հայաստանի ամենամեծ ԲԿ-ն ևս պետք է զբաղվի կորոնավիրուսի խնդրով: Խոսքը վերաբերում է Սուրբ Գրիգոր Լուսավորիչ ԲԿ-ին, որն այսօրվա ընթացքում ամբողջությամբ կդադատարկվի ու կդառնա միայն կորոնավիրուսի դեմ պայքարող հիվանդանոց՝ ունենալով ամենամեծ մահճակալային ֆոնդը: Այնտեղի ռեանիմոցիոն պացիետները կտեղափոխվեն այլ ԲԿ-ներ:
Թորոսյանը նշեց, որ դա թույլ կտա դեռ երկար ժամանակ ունենալ բավարար մահճակալային ֆոնդ, որպեսզի բոլոր պացիենտները հոսպիտալացվեն, իսկ թեթև ձևերը կտեղավորվեն հյուրանոցներում:
