«Եվրոպահայերը՝ հանուն Հայաստանի զարգացման» ՀԿ նախագահ Արտակ Սերգոյանը ֆեյսբուքյան իր էջում գրում է.
«Հարգելի համաքաղաքացիներ, ինչպես հիշում էիք օրեր առաջ հարցումներ էինք կատարել Գրիգորյանների կոմունալ ծառայությունների վճարների վերաբերյալ։ Ինչպես պարզվում է , նրանք հանդես չեն գալիս որպես ջրօգտագործման բաժանորդ չեն հանդիսանում, այս պայմաններում հարց է առաջանում, թե ինչու են գտնվել արտոնյալ պայմաններում։ Նկատի ունենալով վերոգրյալը, այս փաստաթուղթը կներկայացնենք իրավապահ մարմիններին’ ստուգելու համար, թե ինչպես են առանց բաժանորդ հանդիսանալու օգտվել խմելու ջրից։ Հատկանշական է նաև, որ խնդրված տեղեկատվություն, թեպետ ջրամատակարարման ընկերության կողմից տրամադրվել է, սակայն էլեկտրաէներգիայի մատակարարման և գազամատակարարման ընկերությունների կողմից չի տրամադրվել, որը առերևույթ կասկածելի Է: Ինչևիցե, այս պատասխանները ևս կներկայացվեն իրավապահներին, կարծում եմ, որ նրանք մերժելու հիմքեր չեն ունենա»: Ավելի վաղ մենք գրել էինք, որ Մանվել Գրիգորյանը, ինչպես նաև նրա որդիների և աղջկա առանձնատները տարիներ շարունակ համարվել են արտոնյալ և չեն վճարել կոմունալ վարձերը: Ավելին՝ Մանվել Գրիգորյանը ջրամատակարարման բաժանորդ էլ չի հանդիսացել: Նրա տանը դրված գազի և հոսանքի հաշվիչները ձևական բնույթ են կրել:
