Վրաստանի ոստիկանությունը Թբիլիսիում խորհրդարանի շենքի մոտ բերման է ենթարկում ցուցարարներին, ովքեր բողոքում են «Օտարերկրյա ազդեցության թափանցիկության մասին» օրենքի դեմ, հայտնում է РИА Новости-ի թղթակիցը։
Վրաստանի ՆԳՆ-ն դեռ պաշտոնական մեկնաբանություններ չի տվել ձերբակալվածների թվի վերաբերյալ։ Իրավապահները հիմնականում բերման են ենթարկում այն ակտիվիստներին, ովքեր կանգնած են օրենսդիր շենքի կողային մուտքի դիմաց։ Ավելի վաղ ցուցարարները որոշել էին շրջանցել խորհրդարանը, որից հետո տեղում հայտնվեցին հատուկ ջոկատայիններ ու ջրցան մեքենաներ։ Վրաստանի ՆԳՆ-ն արդեն զգուշացրել է ցուցարարներին ենթարկվել ոստիկանության պահանջներին։
Վրաստանի խորհրդարանական իրավական հարցերի հանձնաժողովը երկուշաբթի երեկոյան առաջին ընթերցմամբ աջակցել է«Օտարերկրյա ազդեցության թափանցիկության մասին» օրինագծին։
