Այսօր մարդիկ ինձ ասում են՝ պետական համակարգը չի աշխատում. Շաբաթներով, ամիսներով թղթերը դրած չեն ստորագրում, որովհետև ասում են՝ բա որ գան բռնեն, բայց սա էլ նրանից է, որ որակավորման խնդիր կա. մարդը չգիտի ՝ ճիշտ է ստորագրելը, թե՝ ոչ, սա խնդիր է: Այդ մասին, այսօր՝ ապրիլի 11-ին, ԱԺ-ում ՀՀ կառավարության ծրագրի՝ 2023 թվականի կատարման արդյունքների զեկույցի քննարկմանն առնչվող եզրափակիչ ելույթի ժամանակ ասաց ՀՀ վարչապետ Նիկոլ Փաշինյանը
«Ասում են՝ Ալեն Սիմոնյանի ընտանիքի անդամին խնդրում են․․․։ Իմ վարաչապետության օրոք իմ ընտանիքի անդամը դատվել ա, դուք մտածո՞ւմ եք՝ քեռին պուճուր վախտ ինձ շոկոլադ չի տվել, հիմա վարչապետ եմ դառել վրե՞ժ եմ լուծում։ Քեռին շոկոլադ տվել ա, բա որ խոսում ենք օրենքի առաջ բոլորի հավասարության մասին, էդ ի՞նչ ա դա։
Ասում են՝ էս ինչը քաղբանտարկյալ է, էն ինչը քաղբանտարկյալ ա, կներեք, դուք ինչի՞ քաղբանտարկյալ չեք։ Այսինքն դուք դրանով ասում եք, որ նրանք, ովքեր բանտում են, իրենք ասերն են, իսկ էստեղ մնացել ա էն ընդդիմությունը, որն իշխանությանը ոչ մի բանով չի սպառնում, թող ինչքան ուզում են խոսեն: Իսկ իսկական ասերը բանտում գտնվողներն են, որոնցից սարսափում է իշխանությունը… Ձեր ինքնագնահատականը զարմանալի է»,- ասաց Փաշինյանը։
