Երևանի Հանրապետության Հրապարակում այսօր՝ դեկտեմբերի 19-ին հանդիսավոր արարողությամբ վառվեցին գլխավոր տոնածառի լույսերը։
Հանդիսավոր արարողությանը բեմում է Հայաստանի պետական սիմֆոնիկ նվագախումբը, հնչում են Արամ Խաչատրյանի հայտնի ստեղծագործությունները: Ծրագիրն էլ ավելի գունեղ են դարձնելու «Բարեկամություն» անսամբլի սաները, ինչպես նաև «Swag Art School»-ի երեխաները:
Երեկոյին ներկա են Երևանի քաղաքապետ Տիգրան Ավինյանը, պաշտոնատար այլ անձինք, բազմաթիվ քաղաքացիներ։
Լույսերի վառվելն ուղեկցվեց տոնական հրավառությամբ:
