Որոշ հարցերում կան կոնկրետ արդյունքներ, որոշ հարցերում՝ համաձայնության գալու հեռանկարներ. Արարատ Միրզոյանը` խաղաղության պայմանագրի մասին
Մոսկվայում եռակողմ հանդիպման ժամանակ ՀՀ ԱԳ նախարարը նշեց, որ Ադրբեջանի հետ խաղաղության պայմանագրի հարցում կան խնդիրներ, որտեղ կողմերի դիրքորոշումները շատ հեռու են։
«Մենք կառուցողական ենք։ Ցավոք սրտի, իրավիճակը տեղում, մասնավորապես Լաչինի միջանցքի փակումը և Լեռնային Ղարաբաղի շրջափակումը դժվարացնում են բանակցությունները։ Իրավիճակը մոտ է իրական հումանիտար աղետի` ոչ սնունդ է գալիս, ոչ դեղորայք, գազամատակարարումը դադարեցված է»,–ասել է նա։
Հումանիտար աղետը բացասական հետևանքներ կունենա բանակցային գործընթացի վրա։