«Թե կոնկրետ ո՞ր երկրների համար էր նախատեսված այն թմրանյութը, որն առգրավվել է ՀՀ-ում, չեմ կարող ասել»:
Այս մասին այսօր լրագրողների հետ զրույցում ասաց ԱԺ պատգամավոր Արմեն Խաչատրյանը՝ անդրադառնալով ԱԱԾ-ի տարածած այն հայտարարությանը, ըստ որի՝ ՀՀ-ում գործող և մրգերի ներմուծմամբ զբաղվող ընկերության կողմից ներմուծվել է «Կոկաին» տեսակի շուրջ մեկ տոննա քաշով թմրամիջոց:
Պատգամավորը ենթադրում է, որ այն պետք է հանվեր երրորդ երկիր՝ սպառման համար, և ՀՀ-ն տրազիտ ճանապարհ է հանդիսացել:
«Գուցե ԱՊՀ երկրների համար նախատեսված լինի, որովհետև Հայաստանը ԵԱՏՄ անդամ է, և Հայաստան ԵԱՏՄ պետությունների մաքսային շարժը բավականին պարզեցված է, բայց քննությունն ամբողջապես կպարզի, թե ո՞ւր պետք է գնար և ի՞նչ պետք է լիներ: Բայց վերջին շրջանում պետական կառավարման բոլոր օղակներում, որոնք ինչ-որ չափով պատասխանատու են թմրամիջոցների ապօրինի շրաջանառությունը կանխելու համար, շատ ակտիվ պայքար է գնում երևույթի դեմ: Ազգային ժողովում՝ Անվտանգության և պաշտպանության հանձնաժողովում, գրեթե ամեն օր քննարոկումներ ենք ունենում այս թեմայով: Խնդիր ենք դրել, որ պետք է անպայման գործուն միջոցներ ձեռնարկվեն»,- նշեց Խաչատրյանը:
Վերջինիս խոսքով՝ պայքարը լինելու է անզիջում բոլոր մակարդակներում. «Ինչպիսի ակտեր, որ պետք լինեն պայքարն ավելի արդյունավետ դարձնելու համար, լինելու են այդ օրենսդրական ակտերը, ինչպիսի տեխնիկական միջոցներ, որ պետք լինեն, պետք է անպայման ձեռք բերենք, շուտով նաև ռազմավարությունը կլինի, թե ինչ աշխատանքային քարտեզով պետք է առաջ գնանք, և կոնկրտ մեր հանձնաժողովի համար սա ամենօրյա հարց է, ու ասեմ, որ սպասում ենք նոր հայտանբերումների: Վստահ եմ՝ մեր ուժայինները կարճ ժամանակահատվածում էլի արդյունքներ կունենան»:
Պատգամավորը նկատում է՝ պարզ է, որ այդպիսի ծավալի թմրանյութի հայտանաբերումը Իտալիայում և Հայաստանում մեր շուկայի համար չի նախատեսված, նախատեսված է մեծ երկրների շուկաների համար, սակայն եթե ներմուծվում է, հավանականություն կա, որ դրանից ինչ-որ չափաբաժին նաև Հայաստանում է սպառվում:
«Տելեգրամ ալիքների ուսումնասիրություններից պարզել ենք, որ այնտեղ կա նաև կոկաինի վաճառքի առաջարկություն: Օրինակ 1 գրամը 180 դրամի չափով առաջարկություն կա: Իհարկե մեր կիբեռստորաբաժանումները բավականին լուրջ ուսումնասիորություններ են անում, բայց մենք տեսնում ենք, որ այո, կոկաին կա Հայաստանում, որը չի կարող այստեղ արտադրվել այլ ներմուծվել է»,- նշում է Արմեն Խաչատրյանը:
Վերջինս նկատում է՝ ՀՀ իրավապահ մարմինները բավականին լավ համագործակցում են միջազգային գործընկերների հետ, օրինակ «Ինտերպոլի» և այդ համագործակցությունը լավ արդյունք է տալու և արդեն տվել է. «Հայաստանը հարևան եկրներից միշտ տարբերվել է թմրանյութերի օգտագործման ցածր մակարդակով և այսօր էլ, եթե վիճակագրությունը նայենք բավականին ցածր է, բայց անգամ այս ցածր մակարդակը չի կարելի հանդուրժել: Մենք չենք հնդուրժելու սա և ամեն ինչ անելու ենք, որ այս փուլում կանխենք»:
