Լրագրող Նաիրի Հոխիկյանը ֆեյսբուքյան իր էջում գրում է.
Ադրբեջանի նախագահ Իլհամ Ալիևը պատահական չի այս օրերին մեկնել Թուրքիա, պատահական չեն Ալիևն ու Էրդողանը միասին թևանցուկ գնացել Բայրաքթար աթս-ների գործարան։
Պատահական չի Ադրբեջանում մեկնարկել պահեստազորայինների 10.000-ոց աննախադեպ զորավարժություն։
Հայաստանի կառավարությունը պարտավոր է մայիս ամսվա համար ճգնաժամային ծրագիր կազմել և պատրաստվել նոր սադրանքի, իսկ Նիկոլ Փաշինյանն իր մանկլավիկների հետ մարզերում նկարվում է։
Հայկական բանակը Հայաստանում և Արցախում պետք է մարտական բարձր պատրաստության վիճակի բերվի։ Հարգելի հրամանատարներ, գիտեմ, որ դուք էլ ՊՆ -ից եք հրամանի սպասում, բայց լավ կլինի, եթե սեփական նախաձեռնությամբ զորքին զգոն պահեք։ Լավի համար ձեզ շնորհակալություն չեն հայտնի, բայց եթե վատ բան եղավ, ձեզ կմեղադրեն։
