Հայ Առաքելական եկեղեցու Գուգարաց թեմից «Նոյյան տապանին» տրամադրեցին հաղորդագրություն, ըստ որի «Սարգիս Հացպանյանի հոգեհանգստյան արարողության մասին լրատվամիջոցներում շրջանառվող տեղեկատվությունը, որ «եկեղեցում հոգեհանգստի կարգ մատուցելու համար նախատեսված է որոշակի գումար և ընտանիքի բարեկամների ոչ մի խնդրանքին եկեղեցուց դրական արձագանք չեն տալիս», չի համապատասխանում իրականությանը, զրպարտություն է և հերյուրանք:
Հայտնում ենք, որ Սարգիս Հացպանյանի հոգեհանգստյան արարողությունը պատշաճ մակարդակով կանցկացվի Երևանի Կոնդի Սբ Հովհաննես եկեղեցում, օրհնությամբ Արարատյան Հայրապետական թեմի առաջնորդական փոխանորդ Նավասարդ արքեպիսկոպոս Կճոյանի: Արարողությանը ըստ պատշաճի նախագահելու է Սարգիս Հացպանյանի համերկրացի՝ Գուգարաց թեմի առաջնորդ Գերաշնորհ Տեր Սեպուհ արքեպիսկոպոս Չուլջյանը՝ ի հարգանս հայրենասեր և նվիրյալ հայորդու: Բոլոր եկեղեցական արարողությունները Եկեղեցին կատարելու է անհատույց:
Հրավիրում ենք բոլոր հայորդիներին մասնակից դառնալու հոգեհանգստյան կարգին և աղոթելու արժանապատիվ հայ քրիստոնյայի հոգու հանգստության համար»,- ասված է հաղորդագրության մեջ։
