Ապրիլին ձևավորվելիք նոր կառավարությունն ունենալու է վարչապետ, առաջին փոխվարչապետ, երկու փոխվարչապետներ և նախարարներ. այսօր Կառավարության նիստում ՀՀ արդարադատության նախարարությունը հանրության քննարկմանն է հանձնել «Կառավարության կառուցվածքի և գործունեության մասին» օրենքի նախագիծը, որը փոփոխություններ է սահմանում կառավարության կազմում:
Նախարարությունների թվի կամ կազմի փոփոխություն չի լինի և դրանք կլինեն այնպես, ինչպես այժմ է՝ 18-ը:
Նոր կառավարությունը կազմավորվում է վարչապետի նշանակվելուց հետո՝ տասնհինգօրյա ժամկետում:
Այս օրինագիծը փետրվարի 8-ից հետո կներկայացվի կառավարության հավանությանը, ապա՝ Ազգային ժողովի:
