«Հուսով եմ, որ Հայաստանը քաղաքական կամք կդրսևորի և կստորագրի Ադրբեջանի հետ խաղաղ պայմանագիրը», – APA գործակալության փոխանցմամբ՝ Թբիլիսի կատարած աշխատանքային այցի ընթացքում նման հայտարարությամբ է հանդես եկել Ադրբեջանի նախագահ Իլհամ Ալիևը։
Նրա խոսքով՝ այդ պայմանագիրը պետք է հիմնված լինի «միջազգային հանրության կողմից ճանաչված հիմնարար սկզբունքների վրա»։
«Եթե դա տեղի ունենա, Հարավային Կովկասում խաղաղություն կհաստատվի։ Դրա հետ մեկտեղ համագործակցության հնարավորություններ կստեղծվեն», – հայտարարել է Ադրբեջանի նախագահը։
