Վրաց-ռուսական սահմանի Վերին Լարսի անցակետում՝ ռուսական կողմում, 03:00-ից երկու ուղղությամբ էլ երթևեկությունը կաթվածահար վիճակում է, հայտնում է odishinews.ge լրատվականը: Տեղեկանում ենք Aliq.ge-ից։
Նշվում է, որ ժամը 03:00-ից մինչև այս պահը հերթում եղած քաղաքացիները ոչ մի քայլ առաջ չեն շարժվել:
Ըստ առկա տեղեկությունների, վրացական կողմում հերթեր չկան. անցակետն աշխատում է, բաց է, բայց ոչ մեկի չեն ընդունում: Այլ մանրամասներ չեն հաղորդվում:
Առավոտյան համացանցում տարածված տեսանյութում երևում են ռուսական կողմում կուտակված հսկայական հերթերը:
Սահմանի ռուսական կողմում հսկայական հերթ է գոյացել, որի երկարությունը գրեթե 15 կիլոմետր է։ Հազարավոր մեքենաներ և հարյուրավոր բեռնատարներ փորձում են անցնել «Վերին Լարս» անցակետով ։
