Մոսկվայում թալանել են Չեչնիայի Հանրապետության նախագահ Ռամզան Կադիրովի օգնական, 49-ամյա Հասան Կադիրովին։ Այդ մասին հայտնում է «Մոսկվա» գործակալությունը։
Գործակալության տեղեկություններով՝ դեպքը տեղի է ունեցել դեկտեմբերի 26-ին, երեկոյան ժամը 11-ի սահմաններում, Լենինգրադյան պողոտայում։ Հաղորդվում է, որ Տուլայի մարզի 51-ամյա բնակիչը կոտրել է Հ. Կադիրովին պատկանող Mercedes մակնիշի ավտոմեքենայի ապակին և այնտեղից հափշտակել iPhone 6 տեսակի բջջային հեռախոս, IPad և գումար։ Գողոնի ընդհանուր արժեքը կազմում է մոտ 650 հազար ռուբլի։
Գողին հայտնաբերել են առավոտ վաղ, Պետրոզավոդսկի փողոցում։ Վերջինս արդեն խոստովանել է կատարած հանցանքը։
